Суббота, 25 мая, 2024

Басқада

spot_img

Жеке деректері тарап кеткен: қызметінен босатылған полицей отбасына қауіп төніп тұрғанын айтты

Жақында Шымкент қалалық ІІБ (ПБ) патрульдік полиция полкінің командирі қызметінен «Мемлекеттік қызметке кір келтіретін тәртіптік теріс қылықтар жасаған» үшін босатылған полиция қызметкері Данияр Мейірхан әйелі мен балаларының өміріне қауіп төніп тұрғанын айтты, — деп хабарлайды Massaget.kz тілшісі.

Бұл туралы ол Facebook-парақшасында бөлісті. 

«Отбасымды қорғау үшін Шымкент қалалық ішкі қауіпсіздік басқармасы мен прокуратураға жүгінгенімізге тура бір күн өтті. Шымкент полиция қызметкерінің әлеуметтік желіде туыстарымның, соның ішінде кәмелетке толмаған үш баламның жеке деректерін таратқанына байланысты құзырлы органдарға жүгіндік. Шымкент қаласы ЖПҚБ патрульдік полиция полкі 8-рота командирі Азамат Айымбетов екі мыңнан аса оқырманы бар адвокатының Telegram-арнасында ҚР Ішкі істер министрлігінің деректер базасындағы мәліметтерді жариялады. Барлық отбасы мүшесінің деректері: төлқұжат деректері, ЖСН, тұрғылықты мекенжайы, фотосуреттері тарап кетті. 

Мен — полиция қызметкерімін, қызмет барысында қылмыстың бетін аштым, қылмысты тоқтаттым, тәртіп орнатуда адалдық таныттым. Менің бұл әрекеттерім көп адамның наразылығын тудыруы мүмкін. Бұл әйелім мен балаларымның өмірі мен қауіпсіздігі үшін алаңдауға мәжбүр етеді, өйткені барлық дерек қазір көп адамға қолжетімді», — деп жазған ол. 

Данияр Мейірхан Қазақстан Республикасының Президенті Қасым-Жомарт Тоқаевқа, Ұлттық қауіпсіздік комитетінің төрағасы Ермек Сағымбаевқа, бас прокурор Берік Асыловқа және ішкі істер министрі Ержан Сәденовке үндеу жолдады.

«Арыз бір күн бұрын жазылғанына қарамастан, ол әлі соталды тергеп-тексерудің бірыңғай тізіміліміне тіркелмеген, бұл менің жеке деректерімді заңсыз таратуға қатысты соталды тергеп-тексерудің басталмағанын білдіреді. Осы тергеу аясында дерекқорға кіріп, менің отбасымның деректерін қарап, қай қызметкердің деректерді патрульдік полиция полкінің 8-рота командирі Азамат Айымбетовке бергенін анықтауға болады. Қызметкерлердің мұны қандай мақсатпен жасағанын білмеймін, бірақ мен әйелім мен балаларымның қауіпсіздігі үшін алаңдайтынымды қайталап  айтамын», — деп жазған Мейірхан.

Оның айтуынша, деректерді дерекқордан алған адамды тауып, жұмыстан шығарып, 8-рота командирі Айымбетов Азаматқа қатысты жеке мәліметтерді тарату және билікті немесе қызметтік өкілеттіктерді теріс пайдалану дерегі бойынша соталды тергеуді бастау қажет.

«Отбасым туралы деректер үш күн бойы адвокатының жазбасының пікірінде жалпыға қолжетімді болған, ол бүгін ғана өшірілді. Бұл жағдай жазасыз қалмауы керек деп есептеймін, бәлкім, тәртіп сақшыларының дәл осындай әрекеттері полиция қызметкерлерінің ғана емес, қарапайым қазақстандықтардың да деректерінің алаяқтар қолына түсуіне әкелуі мүмкін», — деді Мейірхан.

Еске салайық, 8 қыркүйекте Данияр Мейірхан жемқорлыққа «жол бергені» үшін Шымкент қалалық Полиция департаментінің полк командирі қызметінен босатылған еді.

Жаңалықтар | Новости