Облыстық ауруханада Шымкент қаласының №1 ЖМКҚ жедел нейрохирургия бөлімінің меңгерушісі Айбол Батырханұлы Сансызбаев талдықорғандық дәрігерлерге мастер-класс өткізіп, өз тәжірибесімен бөлісті.
Айбол Батырханұлы перифериялық нервтердің зақымдануы кезінде трансплантациялау және трансферттер, омыртқаның дегенеративті-дистрофиялық аурулары (спондилолистез, дегенеративті стеноз, спондилолиз) кезіндегі операцияларды тұрақтандыратын жатыр мойны, кеуде және лумбосакральды омыртқа дискілерінің грыжасын алып тастау, омыртқаның лумбосакральды бөліктерінің дегенеративті-дистрофиялық зақымданулары үшін аз инвазивті хирургиялық операцияларын жүргізеді. Одан бөлек, тері арқылы транспедикулярлық фиксация және перифериялық нервтердің зақымдануы мен жүйке плексусына хирургиялық араласу – невролиз, жүйке тігісі, транспозициясын жасайды.
«Менің сапарымның мақсаты — жергілікті дәрігерлермен тәжірибе алмасу. Облыстық аурухананың нейрохирургімен бірлесіп, біз екі ота жасауды жоспарлап отырмыз. Солардың бірі – 68 жастағы пациентке оң жақта радиалды нервтің жарақаттан кейінгі нейропатиясы диагнозы қойылған болатын. Толық диагностикадан кейін біз ортаңғы нерв тармақтарын білек деңгейіндегі радиалды нерв тармақтарына беру үшін операция жасау туралы шешім қабылдадық», — деп бөлісті Айбол Сансызбаев.
Айта кетейік, білек пен қолдың жүйке зақымдануы ең көп таралған және ауыр жарақат болып табылады. Бұл аяқ-қол функциясының бұзылуына және жұмыс қабілетінің жоғалуына әкеледі. Терінің құрғауы мен қабыршақтануы дамиды, сезімталдықтың барлық түрлері жоғалады, пациент саусақтарын немесе қолын қозғалта алмайды.
Мысалы, медианалық жүйке зақымданған жағдайда, сезімталдық қолдың 1-3 саусақтарында жоғалады, адам заттарды жанасу арқылы ажырата алмауы мүмкін, саусақтар айналадағы заттардың температурасын сезіне алмай науқас байқамай күйіп қалып немесе үсікке шалдығуы мүмкін.
Айбол Батырханұлы Сансызбаев Астана қаласындағы «Ұлттық нейрохирургия орталығы» нейрохирургия мамандығы бойынша резидентураны бітірген. Әр жылдары «ҰҒО» АҚ ПНС Жұлын нейрохирургиясы патология бөлімшесінің нейрохирург-дәрігері, ҚР «Президент істерін басқару Медициналық орталығының ауруханасы» РМК нейрохирург-дәрігері болып жұмыс істеген.
Шымкенттен келген дәрігер Талдықорған қаласындағы облыстық ауруханада мастер-класс өткізді
