Пятница, 21 июня, 2024

Instagram@nurlyolke

Басқада

spot_img

3 млрд теңге тапқан: желіде онлайн-казино ұйымдастырғандар қамауға алынды

Қаржылық мониторинг агенттігі онлайн-казино түріндегі заңсыз ойын бизнесін ұйымдастыру фактісі бойынша сотқа дейінгі тергеу жүргізіліп жатқанын мәлім етті, деп хабарлайды Ulysmedia.kz.

ТАҒЫ ДА ОҚЫҢЫЗДАР

СҚО-ның спорт мектептеріндегі былықтар: 4 адам қызметінен айырылды

“Ойындарға қатысу сайттарда жарияланған Telegram арнасында жарна төлеу үшін жасалған сілтеме арқылы іске асты. Төлем картшоттарға және электрондық әмиянға жіберілген, оны толтырғаннан кейін ойындарға қатысу үшін логин мен пароль жасақталады. Бәс тігулер мен ұтыстарды төлеу шетелдік тұлғалардың картшоттары арқылы жүзеге асырылды”, – делінген хабарламада. 

Ведомство ақпаратынша, Атырау, Ақтөбе және Ақтау қалаларының аумағында тінту жүргізіліп, оның барысында заттай айғақтар – ойын бағдарламалары бар ноутбуктер, шетелдік тұлғалар мен Қазақстан азаматтарына берілген банктік қосымшалары бар телефондар алынды.

Барлық жылжымалы және жылжымайтын мүлікке жалпы сомасы 167 млн теңгеге тыйым салынды.Ұйымдастырушылар мен қатысы бар тұлғаларға тиесілі екінші деңгейлі банктердегі барлық шоттарға тыйым салынды.

«Онлайн» құмар ойындары тәулік бойы жүргізіліп, күнделікті айналымы шамамен 800 000 теңгені құраған.

Заңсыз ойын бизнесін ұйымдастыруға пайдаланылған карт шоттарға түскен қаражаттың жалпы сомасы 3 млрд теңгеден асады.

“Күдіктілер ұсталып, уақытша ұстау изоляторына қамалды.Оларға қатысты сот 2 ай мерзімге «қамау» бұлтартпау шарасына санкция берді. ҚМА азаматтарды патологиялық құмар ойындарға тәуелділіктен – лудоманиядан қорғау жұмысын жалғастырады”, – деп мәлім етті агенттіктен.

 

Жаңалықтар | Новости

Instagram@nurlyolke