Пятница, 21 июня, 2024

Instagram@nurlyolke

Басқада

spot_img

«Көлгіновтен көл қалды». Астанада су басқан көшелерде автобустар «жүзіп жүр»

Депутат Дәулет Мұқаев Астана көшелеріндегі жаңбыр жауғаннан кейінгі көріністің видеосын жариялады, — деп хабарлайды Massaget.kz тілшісі.

Кадрлардан су басқан көшелерде автобустар «жүзіп бара жатқаны» көрінеді.

«Бірнеше әкім ауысса да, Астананың су-кәріз жүйесі ретке келер емес. Тіпті Нұрсұлтан Назарбаев Президент болғанда осы мәселені бірнеше рет көтерген еді. Көлгіновтен көл қалды, қазіргі әкімнен не қалар екен?» — деп жазды депутат.

Әлеуметтік желі қолданушылары да көшелердегі мұндай көрініс бұрыннан бар екенін айтқан.

«Астанам-ай. Өкінішті-ақ. Қайтейін», «Сорлылар-ай шетел боламыз деп суағар қалдырмаған», «Астана — бас қала. Масқара. Бюджеттен ақша бөлінбей жатқан жоқ емес, бөлінеді. Бірақ жегіштер жеп қояды ғой жеткізбей», «Құдай-ай қайда кетіп барамыз, неге осыны қолға алмайды?», «Астанада үнемі осы еді ғой. Бір жауын жауса, бітті. Жерге сіңбейді», «Автобус суға батып, жүзіп кетіп барады», — дейді Желідегілер.

Астана қаласы әкімдігі мәліметінше, жауын-шашынға байланысты қала бойынша 100-ден аса техника (ассенизатор машиналар мен мотопомпалар) жұмылдырылған.

«Elorda eco system мекемесі жерүсті суларын бұруды қамтамасыз ету мақсатында тұрақты негізде тиісті шаралар жүргізіп жатыр: коллекторлар мен жаңбыр қабылдағыштарды тазарту, құбырларды буландыру, су шығару. Сондай-ақ, нөсер кәріз жүйелері мен тазартуға арналған құрылыс жұмыстары жүргізіліп жатыр», — делінген әкімдік хабарламасында.

Сондай-ақ, қалада биыл жерүсті суларын бұру үшін 2,5 шақырым магистраль нөсер кәріз желілерін салу жоспарланып отырғаны айтылды.

Жаңалықтар | Новости

Instagram@nurlyolke