Қонаев қаласында «Әділетті және Прогрессивті Қазақстанның Халықтық Конституциясы үшін!» коалициясының белсенділері ауқымды ақпараттық науқанды бастады.
Қала көшелерінде ақпараттық плакаттар ілініп, тұрғындарға түсіндірме парақшалар таратылуда. Белсенділер азаматтармен ашық әңгімелесіп, ұсынылып отырған конституциялық өзгерістердің мәнін қарапайым тілмен жеткізуде.
Алдағы уақытта «Есіктен есікке» акциясы ұйымдастырылып, тұрғындармен жеке форматта жүздесу жоспарланған. Бұл бастама аясында азаматтардың сұрақтарына нақты жауап беріліп, қосымша түсіндірме материалдары ұсынылады.