Пятница, 21 июня, 2024

Instagram@nurlyolke

Басқада

spot_img

Алматыда жастарға арналған «BookVibe» кітап  көрмесі өтті

Арбат алаңында Алматы қаласы Жастар саясаты басқармасының қолдауымен «Жаухар» қоры ұйымдастырған «BookVibe» кітап баспалары жәрмеңкесі мен белгілі кітап авторларымен кездесулер өтті. Қала тұрғындары үшін бұл әдебиет әлеміне еніп, өткен және қазіргі заманның белгілі жазушылары мен шығармаларының авторларымен кездесуге тамаша мүмкіндік болды. Осылайша, Абай Құнанбаев, Ыбырай Алтынсарин және Александр Пушкиннің бейнесіндегі актерлер әдеби классиктермен жанды қарым-қатынас атмосферасын құрды.

– Алматы – жастар қаласы! Алматы қаласында 14 пен 35 жас аралығындағы 682 мыңнан астам жас тұрады. Оның ішінде 255 мыңнан астамы студенттер, 35 ЖОО және 83 колледж бар.  Көріп тұрғанымыздай, қаламызда жастардың басым бөлігін студент жастар құрайды. Бүгінде Алматы қаласы Жастар саясаты басқармасы жастарды жан-жақты қолдау бойынша түрлі жобаларды жүзеге асырудамыз («IQ-ALA jastary», «Jas GALA», Жас сарапшылар мен пікірсайысшылар клубы, «Тәуелсіздік ұрпақтары», «ALMA CUP»). Сондай ерекше жобаларымыздың бірі -«Bookvibe».  Book vibe жобасы қаламыздағы жастарды кітап оқуға және әдебиетке қызығушылықтарын арттыруға бағытталған, — деді өз сөзінде Алматы қаласы Жастар саясаты басқармасының басшысы Қайыржан Меңдіғалиев.

Салқын ауа-райы мен мамыр айының жаңбырына қарамастан, кітап шарасы алматылықтардың жүрегін жаулап алды. Белгілі жазушылар мен баспа өкілдерінің сөздері қонақтардың назарын аударды. Жазушы, AmalBooks баспасының басшысы және саясат пен мәдениеттанушы Бақытжан Бұхарбай өз шығармаларын таныстырып, баспа ісінің дамуы туралы айтып берді. Журналист, жазушы, ақын, редактор, аудармашы және «Алтын қалам» ұлттық әдеби сыйлығының лауреаты Юрий Серебрянский өзінің кітаптары мен шығармашылық идеяларымен бөлісті. Жәрмеңкеге Алтынай Жолдыбаева және т. б. сияқты шоу-бизнес өкілдері де келді. «Көкжиек-Горизонт» баспасы да көрмеге қатысып, «Жаухар» қорына балаларды қорғау күніне арналған кітаптарды сыйға тартты.

Іс-шараның модераторы ретінде белгілі жазушы және «Ерен еңбегі үшін» медалінің иегері Бекнұр Қисықов авторлар мен оқырмандар арасындағы қызықты және танымдық қарым-қатынас атмосферасын, кітаптардың әр адамның өміріндегі маңыздылығын атап өтті.

«Ауа-райының қолайсыздығы – бұл кітаптарды жақсы көруге кедергі келтірмейтін шағын сынақ. Өйткені, жақсы кітап – сіздің ұстазыңыз, жолдасыңыз және өмірлік серігіңіз. Мен қонақтарға ауа-райының қолайсыздығына қарамастан келгеніне риза болдым. Бұл Юрий Серебрянский – нағыз «жазуды» және талант пен өмір салтын бейнелейтін адам. Сондай-ақ жазушы да, баспагер істерін қатар алып, жұмыс істеп жатқан Бақытжан Бұхарбайға алғысымды білдіремін», — деп түйіндеді Б.Қисықов.

Жәрмеңкеде 30-дан астам баспаның кітап өнімдері ұсынылды. (Атамұра корпорациясы, Алматы кітап баспасы, Арман ПВ баспасы, Мектеп баспасы, Отбасы хрестоматиясы баспасы, Мазмұндама баспасы және де басқа ірі баспалар). Сонымен қатар кітап алмасу алаңы ұйымдастырылып, онда әрбір келуші қызықты кітап тауып қана қоймай, оны басқа оқу әуесқойларымен алмастыра алды.

Ұйымдастырушылардың айтуынша, іс-шараның мақсаты «BookVibe» жобасының бірегей мүмкіндіктерін көрсету, жас оқырмандарды көбірек тарту, оқу әуесқойлары мен авторларды біріктіру болды. Ұйымдастырушылар «BookVibe» көрмесін биыл тағы екі рет өткізуге ниетті.

«BookVibe» кітап әуесқойларын біріктіріп қана қоймай, көптеген адамдарды жаңа әдеби жаңалықтарға шабыттандырды. Бұл шара Алматының мәдени өмірін дамытудағы маңызды қадам болды, әдебиеттің қоғам өміріндегі маңыздылығын көрсетіп, жастар арасында оқуды дамытуға ықпал етті.

Жаңалықтар | Новости

Instagram@nurlyolke