Жоғары беріктік, сыйымдылығы 11 000 мА·сағ аккумулятор, егжей-тегжейлі түсіруге арналған AI-функциялар және жарықтығы 10 000 нитке дейін жететін дисплей — түрлі жағдайларда белсенді пайдалануға арналған мүмкіндіктер жиынтығы
AI-құрылғылар экожүйесін дамытып келе жатқан жаһандық технологиялық компания HONOR күнделікті түрлі жағдайда тұрақты жұмыс істеуге арналған жаңа HONOR X9e Pro смартфонын таныстырды. Құрылғы корпустың күшейтілген конструкциясын, сыйымдылығы 11 000 мА·сағ аккумуляторды, камераның интеллектуалды функцияларын және жарық деңгейі әр түрлі ортада пайдалануға бейімделген дисплейді біріктіреді.
HONOR X9e Pro күрделі жағдайларға бейімделген: кездейсоқ құлап кеткенде, су мен шаң әсер еткенде, сондай-ақ электр желісіне қолжетімділік шектеулі ұзақ сапарларда пайдалануға арналған. Соққыны сіңіретін арқалығы бар ортаңғы жақтаудың жаңа конструкциясы, судан күшейтілген қорғаныс, ұзақ уақыт жұмыс істеуге мүмкіндік беретін аккумулятор және ашық ауада пайдалануға арналған функциялар смартфонның беріктігін күнделікті қолданудағы практикалық артықшылыққа айналдырады.
Құлаудан, судан және күрделі жағдайлардан қорғаныс
Жекелеген осал аймақтарды ғана күшейтудің орнына, HONOR X9e Pro ортаңғы жақтаудың ішіне жоғары беріктікті соққыны сіңіретін арнайы арқалықпен жабдықталған. Оның конструкциясы автоспортта қолданылатын қауіпсіздік жүйелерінен шабыт алған. Смартфон құлаған кезде бұл конструкция соққы күшін бәсеңдетіп, жүктемені негізгі жақтау бойымен таратуға көмектеседі. Осылайша аналық тақша мен дисплей сияқты негізгі компоненттерге түсетін әсер азаяды.
Конструкция смартфонның 3 метрге дейінгі биіктіктен құлауына төтеп беруге есептелген. Динамикалық қорғаныс жүйесі күнделікті жағдайда кездесуі мүмкін түрлі құлау бұрыштары мен беткейлердің ерекшеліктерін ескереді. HONOR X9e Pro әр түрлі беткейлерге және төмен бұрышпен құлау сияқты күрделі сценарийлерге төзімділігі үшін SGS Premium Performance 5-Star рейтингіне де ие болды.
Қорғаныс жүйесі судың әсерінен сақтануды да қамтиды. HONOR X9e Pro IP69K стандарты бойынша қорғанысқа ие және 10 метрге дейінгі тереңдікке батыруды қамтитын бақыланатын зертханалық сынақтардан өткен. Сондай-ақ құрылғы су әсерінің 10 000 рет қайталануына төзімділік сынақтарынан өткен. Бұл смартфонды жұмыс кезінде, спортпен айналысқанда және саяхат барысында жаңбыр, лай мен сумен тұрақты байланыста болатын жағдайларда пайдалануға мүмкіндік береді.
Арнайы су астында түсіру режимі камераның мүмкіндіктерін кеңейтіп, фото мен видео түсіруге мүмкіндік береді.
Сағатқа емес, күндерге есептелген қуат
HONOR X9e Pro сыйымдылығы 11 000 мА·сағ аккумулятормен жабдықталған. Белгілі бір аралас жүктеме сценарийінде ол үш күнге дейін жұмыс істеуге мүмкіндік береді. Мұндай қуат қоры ұзақ жұмыс ауысымдарына, навигацияға, ұзақ жаттығуларға және электр желісіне қолжетімділік шектеулі көпкүндік сапарларға арналған.
HONOR SuperCharge 80 Вт технологиясы аккумулятор қуатын жылдам толықтыруға мүмкіндік береді. Ал 27 Вт қуаттағы сымды кері зарядтау функциясының арқасында HONOR X9e Pro үйлесімді смартфондар мен аксессуарларға қуат көзі ретінде де пайдаланыла алады.
Энергияны басқарудың жоғары тиімді жүйесі аккумулятордың конструкциясымен толықтырылған. Ол оның сипаттамаларын алты жыл бойы сақтауға есептелген және құрылғыны ұзақ уақыт пайдаланған кезде тұрақты жұмыс істеуіне ықпал етеді.
HONOR X9e Pro өнімділігіне Qualcomm® Snapdragon® 6 Gen 5 мобильді платформасы жауап береді. Ол байланыс, фото және видео түсіру, ойын-сауық және көп міндетті қатар орындау сияқты күнделікті тапсырмалардың тұрақты орындалуын қамтамасыз етеді.
Қозғалыс кезінде де анық түсірілім
Жоғары беріктік камера мүмкіндіктеріне әсер етпейді. HONOR X9e Pro 108 Мп Ultra-Clear негізгі камерасымен жабдықталған. Ол күндіз және түнде, ашық ауада және портрет түсіру кезінде кадрдағы ұсақ бөлшектерді сақтауға көмектеседі.
CIPA 6.0 рейтингі бар тұрақтандыру жүйесі OIS және EIS технологияларын біріктіреді. Ол қолмен түсіргенде, тегіс емес жерде қозғалғанда немесе динамикалық көріністер кезінде камераның дірілін азайтуға көмектеседі.
AI Zoom Enhancement функциясы алыстағы нысандардың детализациясын сақтауға көмектессе, AI Night Enhancement жарық аз жағдайда түсірілген кадрлардың детализациясын жақсартады. Ал AI Portrait Enhancement портреттік фотосуреттерді оңтайландыруға мүмкіндік береді.
Жаңартылған Live Photo функциялары түсірілім сәтінің айналасындағы қозғалысты сақтауға мүмкіндік береді. Ал су астында түсіру функциясы визуалды сторителлинг үшін қосымша мүмкіндіктер ұсынады. Су астындағы түстерді интеллектуалды түзету шешімі табиғи әрі қанық реңктерді беруге көмектесіп, су астындағы кадрларды шынайырақ етеді.
Жарқын күн сәулесінен әлсіз жарыққа дейін: түрлі жағдайға бейімделген дисплей
HONOR X9e Pro 1.5K ажыратымдылығы және 120 Гц-ке дейінгі жаңарту жиілігі бар 6,8 дюймдік дисплеймен жабдықталған. Ол контентті бірқалыпты көрсетуге және смартфонмен жылдам әрі ыңғайлы әрекеттесуге мүмкіндік береді.
Дисплейдің ең жоғары жарықтығы 10 000 нитке дейін жетеді, бұл күн сәулесі тікелей түсетін жағдайда экрандағы ақпаратты анық көруге мүмкіндік береді. Ал 1 нитке дейінгі ультра төмен жарықтықтың аппараттық режимі қараңғы ортада смартфонды пайдаланған кезде көзге түсетін жүктемені азайтуға көмектеседі.
HONOR Oasis Eye Comfort технологияларының он түрі дисплей жұмысын түрлі пайдалану сценарийлеріне бейімдейді. Олардың қатарында AI Defocus Display, Motion Sickness Relief, AI Personalized Display және Ultra Dark Mode функциялары бар.
Интеллектуалды сенсорлық басқару жүйесі қолғаппен және суланған саусақтармен жұмыс істеуді қолдайды. Сондықтан ауа райының немесе жұмыс жағдайының өзгеруі смартфонды пайдалануға кедергі келтірмеуі тиіс.
Түстері, бағасы және қолжетімділігі
HONOR X9e Pro төрт түсте ұсынылады: күлгін, терракота, алтын түсті және графит түсті.
HONOR X9e Pro смартфонының Қазақстандағы сатылымы 2026 жылдың 9 қазанында басталады.
Смартфонды Kaspi.kz платформасындағы HONOR Authorized Store, сондай-ақ Mechta, Sulpak, Technodom және Evrikaдүкендерінен сатып алуға болады.
HONOR X9e Pro смартфонының жеңілдікті бастапқы бағасы 279 990 теңгені құрайды.
Арнайы ұсыныс аясында HONOR X9e Pro сатып алған тұтынушыларға HONOR CHOICE Headphones Lite құлаққаптары сыйлыққа беріледі. Сонымен қатар Trade-in бағдарламасы бойынша 40 000 теңгеге дейінгі тиімділік ұсынылады.
Толық ақпарат HONOR компаниясының ресми сайтында қолжетімді.