Алматы облысы Ұйғыр ауданы ауылшаруашылыққа бейім өңір болғандықтан бау-бақша баптау, төрт түлік малды кәсіп ету, егістік жерлер мен суармалы жерлерді тиімді игеру мәселелері мықтап қолға алынды, деп хабарлайды alataunews.kz.
Бұл туралы Ұйғыр ауданының әкімі Бота Серікқызы Елеусізова Алматы облысының өңірлік коммуникация қызметінің алаңында өткен баспасөз-мәслихатында мәлімдеді.
Негізгі жетістіктердің бірі өңірдегі ауылшаруашылық саласына қажетті техникалар 58%-ға жаңартылды. Атап өтсек, 2024 жылы 504,2 млн теңгеге 38 трактор, 16 ауыл шаруашылығы тіркемелер жаңадан сатып алынды.
2025 жылы ауданда ауыл шаруашылық дақылдар егілетін жер көлемі 14 997 га болып, жалпы егістік көлемі 2000 гектарға ұлғайды.
Тағы бір айта кететін жайт, биыл маусым айында 250 га жерге су үнемдеу технологиясын енгізу жоспарланып отыр. Қытай Халық Республикасымен келісім шарт жасалынды.