6 наурыз күні Алматы қаласы Жетісу аудандық №2 комьюнити орталығында 8 наурыз – Халықаралық әйелдер күніне орай «Арулар – асыл жандар» атты акция ұйымдастырылды.
Іс-шара аясында аудан тұрғындарына гүлдер тарту етіліп, нәзік жандыларға мерекелік көңіл-күй сыйланды. Акцияның негізгі мақсаты – әйелдердің қоғамдағы рөлін ерекше атап өтіп, олардың еңбегі мен жетістіктеріне құрмет көрсету.
Мерекелік шараға қатысқан қыз-келіншектер ұйымдастырушыларға алғыстарын білдіріп, көтеріңкі көңіл-күйде тарасты. Ұйымдастырушылардың айтуынша, осындай игі бастамалар алдағы уақытта да жалғасын табады.