Қонаев қаласында шаһардың 55 жылдық мерейтойына орай, «Таза қала – таза сана» экоакциясы өтті.
Шараға 200-ден астам қала тұрғыны, шамамен 100 кәсіпкерлік нысанының иесі және мемлекеттік органдардың қызметкерлері қатысты.
Сенбілік барысында қоғамдық аумақтарды тазалау және абаттандыру жұмыстары жүргізілді. Нәтижесінде 400 қаптан астам қоқыс жиналып, көшелер, саябақтар мен аулалар тазартылды.
Бұл бастама экологиялық жағдайды жақсартуға, абаттандыру мәдениетін арттыруға және туған қала игілігі жолындағы бірлескен еңбек дәстүрін дамытуға бағытталған.