29 тамыз – 1 қыркүйек аралығында Орал қаласында дзюдодан Қазақстан Республикасының чемпионаты өтті.
Еліміздің түкпір-түкпірінен жиналған мықты спортшылар бақ сынаған байрақты бәсекеде Алматы облысының дзюдошылары жоғары нәтиже көрсетіп, қоржынға 3 медаль салды.
Токарева Екатерина – 78 кг салмақ дәрежесінде І орын, алтын медаль!
Ережепова Аружан — 52 кг салмақ дәрежесінде I орын, алтын медаль!
Жалғасов Серік – 100 кг салмақ дәрежесінде ІІІ орын, қола медаль!
Бұл – спортшылардың тынымсыз еңбегі, табандылығы мен жаттығудағы ізденісінің жемісі. Жеңімпаздар мен жүлдегерлерді, олардың жаттықтырушыларын шын жүректен құттықтаймыз!
Алматы облысының спортшыларына алдағы жарыстарда толағай табыс, жаңа жеңістер және биік белестерді бағындыруды тілейміз!
Алматы облысының дзюдошылары – Қазақстан чемпионатының жүлдегерлері!
