Алматы облысында жасөспірімдер арасындағы құқықбұзушылықтардың алдын алу мақсатында буллинг және қорқытып алу тақырыбында профилактикалық іс-шара өткізілді.
Іс-шара №2 мектепте 9–11 сынып оқушылары арасында өтті. Кездесу барысында оқушыларға буллингтің түрлері, оның салдары, сондай-ақ қорқытып алу әрекеттерінің заң алдындағы жауапкершілігі жан-жақты түсіндірілді.
Құқық қорғау органдарының қызметкерлері жасөспірімдерге өз құқықтарын қорғау жолдарын, қиын жағдайға тап болған кезде кімге және қалай жүгіну қажеттігін айтып өтті. Сонымен қатар, нақты мысалдар келтіріліп, оқушылармен ашық диалог форматында пікір алмасу ұйымдастырылды.
Мұндай іс-шаралардың басты мақсаты – мектеп ортасында қауіпсіз әрі қолайлы психологиялық ахуал қалыптастыру, оқушылар арасында өзара құрмет пен сенімді нығайту, сондай-ақ құқықбұзушылықтардың алдын алу болып табылады.
Шара соңында оқушылар өздерін толғандырған сұрақтарын қойып, мамандардан нақты жауаптар алды. Осындай профилактикалық жұмыстар алдағы уақытта да жалғасын табады.
