Еңбек адамының қадірін жасымен өлшеуге болмайды. Өмір бойы бір кәсіптің қыр-сырын меңгерген азаматтың тәжірибесі қай кезде де бағалы. Алайда елу жастан асқан кейбір тұрғындар жұмыс ауыстырғанда немесе жаңа қызмет іздегенде қиындыққа тап болуы мүмкін. Осындай азаматтарды қолдау үшін елімізде «Күміс жас» жобасы қарастырылған.
Бағдарлама зейнеткерлік жасқа жетпеген, 50 жастан асқан жұмыссыз азаматтарды еңбекке тартуға бағытталған. Қонаев тұрғындары да қатысу шарттарын Мансап орталығынан анықтай алады. Үлкендердің тәжірибесі мен жастардың жаңашылдығы бір ұжымда тоғысса, жұмыстың берекесі артады. Ең бастысы – еңбек етуге ниетті адамның мүмкіндігін шектемей, оның қабілетін дұрыс пайдалану.
Елу жастан кейін де еңбекке жол ашық
