Жұмысқа орналасқан адамның ең алдымен өз құқығын білгені маңызды. Кейде қызметкер жалақыға келісіп, еңбек шартын рәсімдеуге мән бермейді. Бірақ мұндай немқұрайлылық кейін түрлі келіспеушілікке әкелуі мүмкін. Қазақстанның еңбек заңнамасына сәйкес қызметкер мен жұмыс берушінің арасындағы еңбек қатынастары тиісті түрде рәсімделуі тиіс.
Қонаев қаласындағы кәсіпорындарда, сауда орындарында және маусымдық қызмет көрсету нысандарында еңбек ететін азаматтар да осы талаптарды ескергені жөн. Жалақы мөлшері, жұмыс уақыты, демалыс және атқаратын міндеттер алдын ала анық болғаны дұрыс. Ресми еңбек қатынасы әлеуметтік кепілдіктерді қорғауға көмектеседі. Адал еңбек тек маңдай термен емес, заңды тәртіппен де бағалануы қажет. Еңбек құқығын білу – әр азаматтың өз болашағына жауапкершілікпен қарауы.
Ресми жұмыс – ертеңгі күнге сенім
