2025 жылы елдің үш облысында төрт жаңа су қоймасын салу жұмыстары басталады деп хабарлады ҚР су ресурстары және ирригация министрі Нұржан Нұржигитов үкіметтің отырысында.
Елдің оңтүстігінде орналасқан Ақмола, Қалғұты, Қараөзек су қоймалары 22,5 мың гектар аумаққа енгізілетін жаңа суару жерлеріндегі су тапшылығын толықтыруға бағытталған. Батыс Қазақстан облысындағы Үлкен Өзен су қоймасы (28 миллион текше метр су) тасқын және еріген суларды ұстап, Қазталов ауданындағы екі елді мекенді (шамамен 5 мың тұрғыны бар) су басу қауіпінен қорғауға арналған, — деп хабарлады министр.
Ол сондай-ақ, бірінші кезең аясында Жамбыл облысындағы Терс-Ащыбұлақ пен Қарақоныз су қоймаларын, сондай-ақ Түркістан облысындағы Қоскорған су қоймасы мен Қоқсарай бөгетін қайта құру жоспарланып отырғанын атап өтті.
Алматы, Жамбыл, Жетісу, Батыс Қазақстан, Қызылорда және Түркістан облыстарында 3452 шақырым ұзындықтағы 115 каналды цифрландыру элементтерімен жаңарту жоспарлануда. Сонымен қатар, Астана су қоймасын толықтыратын құрылыс салу жобасы да қарастырылуда, — деді Нұржигитов.
Екінші кезеңде 25 жоба, оның ішінде 11 жаңа жоба іске асырылады. Оған 10 облыста (Алматы, Абай, ШҚО, БҚО, Қызылорда, Атырау, Жетісу, Павлодар, Түркістан, Жамбыл облыстары) 13 ірі су қоймасын қайта құру және 5 мың шақырымнан астам каналды жаңарту кіреді.
Түркістан облысындағы Бәйдібек-ата су қоймасын (68 миллион текше метр су) салу жұмыстары 50% орындалды.